Oqıǵalar

Шығармашылық ұжым жас мамандармен толықты.

Жаңа театр маусымында облыстық қуыршақ театрының штаты жас мамандармен толықты. Қыркүйек айында театрдың шығармашылық ұжымына үш кәсіби әртіс қосылып, 39-шы маусымын театр жаңартылған құрамда бастаған болатын, ал қараша айында Алматы қаласынан өнерге қызмет ету үшін төрт білікті маман: режиссер Анара Жаңбекова мен үш жас әртіс – Бимұханов Жәңгір, Ахмет Дәулет және театрда тәжірибеден өткен Нұрбек Рамазанов келді. 6-шы қараша күні ұжымның жалпы жиналысы өтіп, театр басшысы Т. Әлқожа құттықтау сөз сөйлеп, жаңадан келген қызметкерлерді таныстырды. Салтанатты іс – шараға Қостанай облысы әкімдігінің мәдениет басқармасының басшысы Құралбек Бүркітбайұлы Атамұратов келіп, жастарға алдағы жұмыстарына табыс тіледі. Енді талантты мамандардың бейімделу кезеңінде қолдау көрсетіп, келуін құптап отырған шығармашылық ұжымға тигізер пайдасы орасан зор болмақ.

---