Oqıǵalar

2021 жылы Облыстық қуыршақ театры өзінің 35 жылдығын атап өтеді! Мерейтойлық жылда атаулы күнге арналған көптеген іс-шаралар жоспарланған болатын, олардың көпшілігі сәтті жүзеге асырылды. Бірақ, тосын сыйлар аяқталған жоқ, әртістер сүйікті көрермендері үшін көптеген қызықтар жасауда. Театр маусымы әлі ашылмағанымен, ұйымда жұмыс қызу жүріп жатыр. Театр тарихында қалатын 35 жылдық мерейтойға арналған үлкен концертке барлық ұжым белсенді дайындық үстінде. Бұл костюмдерді тігу, қуыршақтарды, декорацияларды, бутафория мен реквизит заттарын жасау және көптеген репетиция өткізу. Сахнада қуыршақпен жұмыс істеу өте күрделі және көп уақыт қажет ететін процесс. Қуыршақтың адамдарды күлдіріп және жылатып, қуантып немесе мұңайтып, ғажайыптар жасауы үшін үлкен жұмыс қажет. Театр актерлері мереке күні достар арасында жаңа кездесуді асыға күтуде.

14 мамырда, Халықаралық отбасы күні қарсаңында, Облыстық қуыршақ театры Наурызым ауданының Буревестник ауылының кішкентай тұрғындарына, тұсаукесері 10 сәуірде өткен, «Путешествие с Красной Шапочкой» атты жаңа қойылымын ұсынды. Мектептің спорт залына жиналған кішкентай көрермендер үшін біздің театрдың актерлері: Д. Кенжегарин, О. Коротченко, Д. Норка және В. Митенко тамаша ертегі көрсетті. Жас театр сүйер қауымына жаңа және ерекше интерпретациядағы танымал ертегі өте ұнады. Олар актерлердің шебер ойынынан, жарқын декорациялар мен қуыршақтардан, әзіл мен көңілді әндерден көптеген жағымды эмоциялар мен ұмытылмас әсер алды. Бұл қонақжай мекенінде театрымыздың әртістері бірнеше рет болып, көрермендерді қуанткан еді. Әрдайым театрдың шығармашылық ұжымының гастрольдері сол жерде үлкен жетістікпен өтеді. Осы жолы да спектакль жақсы қабылданып, балалар үшін жарқын әсерлер мен қуанышқа толы керемет оқиға болды! 

Театрдың мерейтойлық жылында қаланың кітапханалары,
мұражайлары және мектептерімен бірлескен іс-шаралар жоспарланған.
Осындай іс – шара Балалар шығармашылығы мектебінде өтті. Театр
әртістері Корниенко Ирина мен Латыпова Варвара қызықты шеберлік
сабағын өткізді. Қуыршақтар мен қуыршақ театры әртісі мамандығы
туралы көптеген қызықты мағлұматтар айтып, қуыршақтарды басқару
тәсілдерімен балаларды таныстырды және басқа кейіпкерге ауысу
шеберлігін іс жүзінде көрсетті. Балалар болып жатқанды мұқият
тамашалап, әртістердің жұмысымен танысты. Өздерін актер рөлінде сынап
көруге мүмкіндік пайда болған кезде, тілек білдірушілер саны көп болды.
Балалар қуыршақты қимылға келтіріп, оларды дыбыстай отырып,
импровизация жасады. Кездесу көңілді билермен және фотосессиямен
аяқталды.

Облыстық қуыршақ театрының репертуары тағы бір жарқын
қойылыммен толықты. 10, 11 сәуірде «Путешествие с Красной Шапочкой»
спектаклінің премьерасы өтті. Сахналау авторы және режиссеры –
Ю. Семенова.
Жаңа және ерекше интерпретациядағы әйгілі ертегі алғашқы
минуттардан бастап кішкентай көрермендердің көңілін баурап алды. Балалар
өздерінің эмоциялары мен сезімдерін жасыра алмайтын ерекше аудитория.
Егер спектакль ұнамаса, бала оның соңын шыдамдылықпен күтіп,
отырмайды. Ал «Путешествие с Красной Шапочкой» спектаклін кішкентай
көрермендер үлкен қызығушылықпен тамашалап, актерлердің сұрақтарына
жауап бере отырып, оған белсенді қатысты және Қызыл телпек пен оның
әжесіне жанашырлық танытты. Қойылым өте әсерлі, музыкалық және терең
мағыналы, нақты тұжырымдары мен ғибраты бар болып шықты. Бұл ертегі
бұрыннан белгілі шындықтарға жаңаша көзқараспен қарап, дұрыс
қорытынды жасауға көмектеседі.
Біздің қымбатты көрермендерімізге керемет пікірлері мен қошеметтері үшін

алғыс білдіреміз!

Шығармашылық ұжымға тамаша қойылым және жарқын актерлік жұмыс

үшін үлкен рахмет!

27 наурызда, Халықаралық театр күні Облыстық қуыршақ театры өз көрермендеріне тосын сый дайындап, қуыршақтардың жұмбақ әлеміне енуге және сахна сыртындағы құпиялармен танысуға мүмкіндік берді. «Театр түнінде» көрермендер «Непоседы», «Волк, коза и козлята», «Дюймовочка», «Песню пой, моя домбра!» және «Золотой цыплёнок» спектакль үзінділерін көріп, қойылымның қыр – сырын біліп, өздерін актер рөлінде сынап көрді. Сондай-ақ, қонақтар қуыршақтарды жасау және оларды бояу мүмкіндігіне ие болды. Облыстық тарихи - өлкетану мұражайымен бірге театр фойесінде театрдың 35 жылдық мерейтойына арналған көрме ұйымдастырылды, онда келушілер театр тарихындағы қызықты фактілермен танысып, Толстой көшесі, 53-үйде қуыршақ театрының ашылуынан 1986 жылғы заттарды тамашалай алды. Соңында көрермендерге режиссер Дина Жұмабаеваның «Старик и море» спектаклі көрсетілді.